Ég mæli eindregið með heilsunámskeiði Gýju. Hún býr yfir afar víðtækri og greinargóðri þekkingu á lifandi fæði, hreyfingu og bætiefnum fyrir konur 40+. Gýja fór á skýran og hagnýtan hátt yfir hvernig hinn ákjósanlegi dagur getur litið út hvað varðar næringu, hreyfingu og almenna heilsueflingu. Einnig fengum við að smakka ljúffenga og næringarríka rétti sem Gýja hafði útbúið, stútfulla af próteini og hollum hráefnum. Framsetningin var bæði fræðandi og skemmtileg og auðvelt að sjá hvernig hægt er að innleiða ráðin í daglegt líf. Ég mæli heilshugar með námskeiðinu fyrir alla sem vilja bæta heilsu sína og líðan.

Frábært og fróðlegt námskeið og fyrir mig gott tækifæri til að uppfæra aðeins mataræðið þó að það hafi reyndar verið bara nokkuð heilsusamlegt. Takk fyrir mig kæra Gýja!

Ég mæli 100% með heilsunámskeiði Gýju. Hún er greinilega mjög vel lesin um þessi mál og hefur sjálf fylgt heilsusamlegu mataræði í um 20 ár þannig að þetta er hægt. Það er alltaf þannig að það eru ekki allir sammála öllu sem sagt er um heilsufæði og kemur hún einnig inn á það og nýjustu rannsóknir. Ég er búin að lesa mig mikið til um heilsufæði og bjóst ekki við að læra mikið nýtt en henni tókst það og er ég henni mjög þakklát. Þið verðið ekki svikin ef þið farið á námskeið hjá Gýju. Mæli enn og aftur 100% með.

Ég mæli heilshugar með heilsunámskeiðunum hennar Gýju. Hún fer vel yfir fjölbreytt efni sem tengist hollu mataræði, eldunaraðferðum, samsetningu matar og margt fleira sem bætt getur meltingu og líkamlega líðan. Auk þess fær maður að bragða alls konar matvæli og uppskriftir sem koma skemmtilega á óvart. Takk fyrir mig elsku Gýja, og takk fyrir skemmtilegt og fræðandi námskeið.

Gýja er mjög fróð um heilsutengd málefni og kemur þessu vel frá sér. Hún bauð okkur að smakka dýrindis heilsufæði sem hún hristi fram úr erminni á meðan hún talaði. Svo geislar hún alveg af heilbrigði, þetta ætti eiginlega að vera sjónvarpsþáttur.

Námskeið sem kemur skemmtilega á óvart – heilstæð ráðgjöf þar sem hollusta og líðan er í fyrsta sæti. Mæli hiklaust með námskeiðinu fyrir alla sem hafa áhuga á matreiðslu og heilsurækt.

Ég var svo heppin að komast á fyrsta námskeiðið hennar Gýju og mæli heilshugar með því. Hún er frábær og hvetjandi kennari og einstaklega vel að sér í öllu sem viðkemur heilsu, lífstíl og hollum mat, kryddum, olíum og vítamínum. Mjög áhugavert að skoða heilsumátt matartegunda, glugga í gömul fræði um mat og jurtir sem hafa lækningarmátt og ekki má gleyma góðum skipulagsleiðbeiningum við meðhöndlun og geymslu matvara. Ég gekk út af námskeiðinu innblásin og með fullt af hugmyndum sem munu nýtast mér. Takk kærlega fyrir mig.

Virkilega grípandi og nytsamleg fræðsla fyrir þá sem eru að leita betri leiðar til að næra líkamann og auka daglega orku sína. Takk fyrir mig, mæli með þessu námskeiði.