Heilsunámskeið – Heilsunámskeið

Námskeið um nærandi lífsstíl

Fræðsla um skipulagningu mataræðis

Að velja að borða hollt alla daga

Persónuleg námskeið fyrir alla þar sem farið er í grunnatriði á skipulagi á hollu mataræði ásamt ýmsu sem kemur að hollum lífsstíl. Dagsetningar námskeiða má finna undir námskeiðslýsingum hér að neðan.

Námskeið

Grunnur að hollu mataræði og skipulagning

Persónulegt námskeið fyrir alla þar sem farið er í skipulag, hráefnaval, meðhöndlun, eldunaraðferðir og samsetningu.

Skipulagning mataræðis á breytingaskeiði

Námskeiðið fyrir alla á breytingaskeiði eða að nálagast breytingaskeið þar sem farið er í skipulag, næringu og hráefnaval.

Gjafabréf fyrir grunnnámskeið og breytingaskeið

Gjafabréf á heilsunámskeið er falleg gjöf. Tímasetning, lengd og kostnaður getur verið mismunandi eftir námskeiðum.

Mjög gaman

Ég hef þekkt Gýju lengi og vissi að hún væri vel að sér í mat og að hún hefði sérstakan áhuga á hollu mataræði. Ég fór á heilsunámskeið Gýju þar sem ég var forvitinn að læra um grænmetisfæði en uppistaðan í mínu fæði er kjöt og sjávarfang ýmis konar. Námskeiðið stóð fyllilega fyrir sínu, mjög gaman að prófa gómsætan mat sem Gýja hafði matreitt og læra um uppskriftirnar á bakvið það sem við borðuðum ásamt öðrum fróðleik um hráefni sem ég hef ekki notað hingað til en mun örugglega reyna að prófa mig áfram með í framtíðinni.

Schumann Didriksen

Framkvæmdastjóri

Gekk út innblásin

Ég var svo heppin að komast á fyrsta námskeiðið hennar Gýju og mæli heilshugar með því. Hún er frábær og hvetjandi kennari og einstaklega vel að sér í öllu sem viðkemur heilsu, lífstíl og hollum mat, kryddum, olíum og vítamínum. Mjög áhugavert að skoða heilsumátt matartegunda, glugga í gömul fræði um mat og jurtir sem hafa lækningarmátt og ekki má gleyma góðum skipulagsleiðbeiningum við meðhöndlun og geymslu matvara. Ég gekk út af námskeiðinu innblásin og með fullt af hugmyndum sem munu nýtast mér. Takk kærlega fyrir mig.

Margrét Sigurðardóttir

Ritari ráðherra

Tímanum vel varið

Ég var svo heppin að skrá mig á Heilsunámskeið Gýju og verð að segja að tímanum hefði ekki getað verið betur varið. Það var alveg ný upplifun af námskeiði að mæta í matarboð í heimahúsi, njóta góðs matar í frábærum félagsskap og fá smakk af alls kyns áhugaverðri hollustu. Hrein unun var að fylgjast með ákveðnum og hröðum vinnubrögðum Gýju í eldhúsinu þar sem allt lék í höndunum á henni og hún var óspör á alls kyns fróðleik. Ég mæli með þessu námskeiði fyrir alla þá sem vilja prófa eitthvað alveg nýtt og auka um leið vitneskju og virðingu fyrir sjálfum sér með því að bera ábyrgð á eigin heilsu.

Gunnhildur Arnardóttir

Framkvæmdastjóri

Ætti að vera sjónvarpsþáttur

Gýja er mjög fróð um heilsutengd málefni og kemur þessu vel frá sér. Hún bauð okkur að smakka dýrindis heilsufæði sem hún hristi fram úr erminni á meðan hún talaði. Svo geislar hún alveg af heilbrigði, þetta ætti eiginlega að vera sjónvarpsþáttur.

Ása Valgerður Eiríksdóttir

Lífeindafræðingur

Ekki enn einn kúrinn

Ég hef farið á ýmis námskeið um heilsu og mataræði og get heilshugar mælt með þessu námskeiði. Gýja hefur viðað að sér yfirgripsmikilli þekkingu og leggur mikinn metnað í að miðla og gefa af sér. Hún hefur tileinkað sér agaðan lífsstíl og skín af heilbrigði. Það er svo frábært að þetta er ekki enn einn kúrinn heldur upplýsingar um góða næringu og samsetningu matar, án öfga.

Margrét Jónsdóttir

Verkefnisstjóri

Staðsetning

Öll námskeið eru haldin að Grandavegi 42, íbúð 203 í G-húsi. Gengið er inn í G-hús úr garði. Bílastæði eru við Grandaveg eða í portinu við JL húsið.